27 May 2024  |   सोमवार, जेष्ठ १४, २०८१

दाङमा झाडापखालाबाट बालिकाको मृत्यु

मिसनटुडे संवाददाता
प्रकाशित मितिः शनिबार, भदौ ४, २०७९  

दाङ ।

दाङको सिमावर्ति क्षेत्रमा झाडापखालाबाट एक बालिकाको मृत्यु भएको छ भने १७ जना बिरामी परेका छन्।

मृत्यु हुनेमा राजपुर गाउँपालिका वडा नम्बर ७ भैसाहीँनाका पलानगौरी निवासी ७ वर्षिय सम्झना परियार रहेको स्वास्थ्य चौकी राजपुरका प्रमुख खिमबहादुर रावतले जानकारी दिए। बिरामी मध्ये ३ जना सिकिस्त छन्।

त्यस क्षेत्रमा झाडापखला फैलिएपछि प्रभावित क्षेत्रमा स्वास्थ्यकर्मी र जनप्रतिनिधिको टोली पुगेको छ। बिहिवार दिउँसोबाट झाडापखालाका बिरामी देखिएका थिए। बिरामीहरुको घरमै गएर उपचार सुरु गरिएको छ।

प्रकाशित मितिः शनिबार, भदौ ४, २०७९     10:12:17 AM  |