मिसनटुडे संवाददाता
प्रकाशित मितिः शनिबार, फाल्गुन २२, २०७७
कोहलपुर ।
कोहलपुर उद्योग वाणिज्य संघको निर्वाचनको मतदान सम्पन्न भएको भएको छ । नयाँ नेतृत्व चयनकालागि शनिबार मतदान गरीएको हो । निर्वाचनमा ३ हजार ८० मत खसेको छ । जसअन्तर्गत बस्तुगत र एशोसिएटतर्फ ८० मत खसेको छ ।
कुल ३ हजार ३ सय ७५ मतसँख्या रहेको वाणिज्य संघको निर्वाचनकालागि लोकतान्त्रीक समावेशी ब्यवसायी समुह र साझा समावेशी ब्यवसायी प्यानलमार्फत ४४ जनाले उम्मेदवारी दिएका थिए ।
नेकपा निकट साझा समावेशी ब्यवसायी प्यानलको नेतृत्व विष्णु खनालले गरेका छन भने काँग्रेस निकट लोकतान्त्रीक समावेशी ब्यवसायी समुहको नेतृत्व लक्ष्मणराज पौडेलले गरेका छन । निर्वाचनको नतिजाकालागि आजै १० बजे मतगणना गर्ने तयारी भइरहेकाे निर्वाचन समितिले जनाएकाे छ ।