कोहलपुर, २६ भदौ, कोहलपुर नगरपालिका–११ एन.टि.भी.रोड स्थित सार्वजनिक शैक्षिक गुठी कोहलपुर माविले आइतबार बाँकेका बाढी पीडितहरुलाई राहत रकम हस्तानतरण गरेको छ ।
पीडितहरुलाई राहत स्वरुप विद्यालयले रेडक्रस मार्फत रु १६ हजार ५ सय पैतालीस रकम हस्तान्तरण गरेको हो ।
विद्यालयको जुरेस कोषबाट ५ हजार , शिक्षक–शिक्षिकाहरुबाट संकलित रु ६ हजार २ सय पाँच र विद्यार्थीहरुबाट संकलित रु ५ हजार ३ सय चालीस गरी जम्मा १६ हजार ५ सय पैतालीस रकम बाढीपीडितहरुलाई हस्तान्तरण गरिएको हो । संकलित रकम विद्यालयका प्रअ रतन बहादुर शाही, विव्यस अध्यक्ष रेशम सापकोटा र शिक्षक नायक विजय सिंह गुरुङले संयूक्त रुपमा नेपाल रेडक्रस सोसाइटी उप–शाखा कोहलपुरकी उप सभापति गौरा भट्टराईलाई हस्तान्तरण गरेको विद्यालयका प्रअ रतन बहादुर शाहीले जानकारी दिए । विपद्मा परेकालाई सहयोग गर्नु मानविय धर्म भएकोले पनि उनीहरुलाई केही मात्रामा भएपनि सहयोग पुगोस् भन्ने उद्धेश्यले रकम हस्तान्तरण गरिएको प्रअ शाहीले बताए ।
मिसनटुडे संवाददाता
प्रकाशित मितिः सोमवार, भदौ २६, २०७४