23 October 2021  |   शनिबार, कार्तिक ६, २०७८

सोनीले दियो ‘द कपिल शर्मा शो’ लाई एक महिने अल्टिमेटम

मिसनटुडे संवाददाता
प्रकाशित मितिः सोमवार, चैत्र २१, २०७३  

मुम्बई / कपिल शर्माको शो लाई लिएर सोनी च्यानलले आगामी वर्षका लागि नवीकरण सम्झौता गर्ने अथवा नगर्ने भन्ने विषयमा ठोस निर्णय लिन सकेको छैन । सन् २०१७/०१८ का लागि नवीकरण सम्झौता गर्नुपर्ने भएपनि यस विषयमा सोनी च्यानलले आनाकानी गरिरहेको बताइएको छ । सन् २०१६ को अप्रिल २४ देखि सोनी च्यानलबाट प्रसारित ‘द कपिल शर्मा शो’ ले निकै नै चर्चा बटुलेपछि कपिलसँग सोनी च्यानल पनि खुसी थियो ।

सफलतासँगै कपिलको टीमले सोनी च्यानललाई मोटो रकम दिन तयार भएको थियो । तर भारतीय सञ्चारमाध्यमहरु अनुसार एक सय ६ करोडको डील मा अब नवीकरण हुने छैन । खबरका अनुसार कपिललाई उक्त शो सञ्चालन गर्नका लागि सोनीले एक महिनाको अल्टिमेटम दिएको छ ।

स्रोतले एक अंग्रेजी वेबसाइट बताएअनुसार कपिलले शो बाट हटाएका सदस्यहरु फिर्ता बोलाएमा र च्यानलको टीआरपीको पुरानै अवस्थामा ल्याउन सकेमा च्यानलले सम्झौता नवीकरणका लागि सोच्न सक्नेछ ।

कपिलको कमेडि शो को लोकप्रियतामा लगातार कम भइरहेको छ र यस समय उक्त शो शीर्ष दशबाट बाहिरिसकेको छ । कपिल शर्मा र सुनिल ग्रोवरबीचको झगडाले शोलाई नराम्रोसँग असर पारेको छ । जसले शो लाई लिएर नकारात्मक प्रतिक्रियाहरु दिनेको संख्यामा भारी वृद्धि भएको छ । स्रोतका अनुसार सुनिल ग्रोवर र उनका साथीहरु चंदन प्रभाकर, सुगन्धा मिश्रा र अली असगर शो मा फर्किने सम्भावना निकै न्यून रहेको बताएको छ ।

उता वरिष्ठ कमेडियन राजु श्रीवास्तवलाई सुनिल ग्रोवरको स्थानमा ल्याइएको छ तर डाक्टर गुलाटीको जति उनीमा लोकप्रियता भने पक्कै छैन ।

प्रकाशित मितिः सोमवार, चैत्र २१, २०७३     2:36:16 PM  |