27 September 2021  |   सोमवार, अशोज ११, २०७८

कसले गर्छ गोलपार्कको संरक्षण ?

मिसनटुडे संवाददाता
प्रकाशित मितिः बिहिबार, जेष्ठ २७, २०७३  

मध्यपश्चिमकै प्रमुख केन्द्र तथा बाँकेकै सुन्दर नगरी कोहलपुरमा अवस्थित गोलपार्कको एकवर्ष पहिले कोहलपुर नगरविकासले निर्माण शुरु गर्दा कोहलपुरवासी मात्रै नभई सम्पूर्ण मध्यपश्चिमवासीका लागि आशाको केन्द्र विन्दु बनेको थियो । गोलपार्क निर्माणले औद्योगिक शहरका साथै पर्यटकीय स्थलका रुपमा चिनारी बनेको थियो । तर, हालसम्म पनि गोलपार्क निर्माणाधिन अवस्थामा रहेको छ । सरकारी तथा गैर सरकारी निकायका साथै कोहलपुरवासी, उद्योगी, व्यापारी, समाजसेवी, बुद्धिजीवी तथा नागरिक समाजले समेत चासो देखाएको पाइदैन । जसका कारण कोहलपुर शहरको सुन्दरता र आकर्षण पर्यटकीय स्थलका रुपमा चिनाउनुको साटो हाल सम्पूर्ण पक्षको उदासिनताका कारण फोहोर थुपारिँदैछ । यसको व्यवस्थापनका लागि हामी सबै कोहलपुरवासी सचेत व्यक्तित्वको दायित्व होइन र ? त्यसकारण हामी सबै उद्योगी, व्यापारी, बुद्धिजिवी, समाजसेवी र नागरिक समाजले समेत यस प्रति जागरुकता देखाउन जरुरी छ । गोलपार्क निर्माणपछि यस क्षेत्रको ढुकढुकी बन्ने निश्चित छ । अधुरा कार्यलाई पूरा गर्नु हामी सबैको दायित्व हो । अतः यस सुन्दर नगरी कोहलपुरलाई सुन्दरता थप्न हामी लाचार भएर बस्नु हुँदैन । हामीले प्राप्त गरेको उपलब्धिको रक्ष, दिगो विकास र सदुपयोग नगर्दा बाँदरको हातमा नरिवल जस्तै भएको छ । त्यसैले हामी सबै कोहलपुरवासीले गोलपार्क प्रति ध्यानाकर्षण गर्न जरुरी छ ।
– श्रवणकुमार शर्मा
कोहलपुर ११, न्युरोड गोलपार्क

प्रकाशित मितिः बिहिबार, जेष्ठ २७, २०७३     12:01:49 PM  |