6 March 2021  |   शनिबार, फाल्गुन २२, २०७७

छानविन आयोगद्वारा उजुरी आह्वान

मिसनटुडे संवाददाता
प्रकाशित मितिः शनिबार, चैत्र २०, २०७२  

कोहलपुर, चैत्र २०
द्वन्दका बेला बेपत्ता पारिएका ब्यक्तिहरुको छानबिनका लागि नियमावली बनेपछि आयोगले काम सुरु गरेको छ । आयोगले पीडितहरुको न्यायका लागि बैशाख २ गतेदेखि जेठ मसान्तसम्म उजुरी आह्वान गरेको छ । बेपत्ता नागरिक छानविन आयोगको आयोजनामा शुक्रबार नेपालगञ्जमा पीडित तथा सरोकारवालाहरुसंँगको अन्तक्र्रिया कार्यक्रममा आयोगका अध्यक्ष लोकेन्द्र मल्लिकले पीडितले गोप्यरुपमा उजुरी दिन चाहेमा साक्षीको सुरक्षा लगायत ऐन परिमार्जनमा पर्यत्नशील रहेको बताए ।
उनले ८ महिनाको संघर्षपछि गत फागुन ३० गते नियमावली आएकाले पीडितको न्याय कानुनले गर्ने बताए । उनले पीडितका पीडाबाट आफू मर्माहत भएको बताउँदै पीडितहरुलाई धैर्यधारण गर्न आग्रह गरे । आयोग गठन भएको १४ महिनापछि नियमावली सहित पहिलो पटक बाँकेका पीडितका समस्या बुझ्न आएको आयोगको टोलीसंँग पीडितहरुले भावपूर्ण तरिकाले आफ्ना समस्या राख्दै जतिसक्दो चाँडो न्याय दिलाउनुपर्ने माग गरेका थिए ।

प्रकाशित मितिः शनिबार, चैत्र २०, २०७२     11:10:41 AM  |

Leave a Reply

Your email address will not be published. Required fields are marked *