शहिद दिवसमा स्वास्थ्य शिविर हुने

कोहलपुर, माघ १२
बाँकेको कोहलपुरमा शहिद दिवसको अवसर पारी योग, आयूर्वेद एवं प्राकृतिक चिकित्सालयले एक दिने निःशूल्क स्वास्थ्य परिक्षण शिविर सञ्चालन गर्ने भएको
छ । पत्रकार सम्मेलन गरी शहिद दिवस (माघ १६ गते) को अवसर पारी स्वास्थ्य परिक्षण शिविर आयोजना गर्न लागेको योग आयूर्वेद एवं प्राकृतिक चिकित्सालयका कार्यकारी निर्देशक डा. वि.पि. रेग्मीले बताएका छन् । स्वास्थ्य परिक्षणका लागि अग्रीम नाम दर्ता गर्नु पर्ने छ भने शिविर सञ्चालन बिहान ८ बजे देखि बेलुका ५ बजे सम्म रहने जनाइएको छ । उक्त शिविरमा कम्मर दुख्ने, माइग्रेन, पिनास, मोटोपन, हड्डी खिईएको, प्यारालाईसिस, शरीर झम्झमाउने, मृगौलाको पत्थरी, बाथ, उच्च रक्तचाप, मुटु रोग, ग्याष्ट्रिक, कब्जियत, अल्सर, नशा च्यापिएको, अनिद्रा, तनाब लगायतका रोगहरुको परिक्षण गरिने छ । त्यस्तै महिनावारी गडबडी, सम्पूर्ण स्त्री रोग, मधुमेह, जंडिस, दम, खोकी, गर्दन दुख्ने डिप्रेशन रोगको पनि शिविरमा परिक्षण गरिने छ ।
त्यस्तै चिकित्सालयले माघ महिना भरी निःशुल्क योग कक्षा संचालन गरिरहेको छ ।