कालीकोट,८ माघ/ कालीकोटका केही विद्यालयहरुले डिजिटल हाजिरी प्रविधि सुरु भएपछि शिक्षकहरु नियमित उपस्थित हुन थालेका छन् ।शान्नि त्रिबेणी गाउँपालिकाले ११ वटा विद्यालयमा डिजिटल हाजिर प्रबिधि जडान गरेपछि शिक्षक, विद्यार्थीहरु नियमित विद्यालयमा उपस्थित हुन थालेका हुन् ।
गाउँपालिकाले डिजिटल हाजिरी प्रबिधिका आधारमा तलभभत्ता निकासा गर्ने निर्णय गरी प्रबिधि जडान गरेपछि बिद्यालय शिक्षामा सुधार आएको मेहलमुडी गाउँपालिका अध्यक्ष डम्बरबहादुर शाहीले जानकारी दिए ।शिक्षामा देखिएको अनियमितता सुधार गर्न र खेताला शिक्षकहरुलाई विस्थापित गर्न अभिभाकको सुझाव अनुसार गाउँपालिकाको पहिलो गाउँसभाले डिजिटल हाजिर सुरु गर्ने निर्णय गरेको थियो ।
गाउँपालिका भित्रका सबै बिद्यालयमा जडान गरिएको डिजिटल प्रबिधिले शिक्षकहरुलाई नियमित गराएको र त्यसले विद्यार्थीको सिकाइमा नियमितता ल्याएर शैक्षिक गुणस्तरमा समेत बृद्धि ल्याएको अध्यक्ष शाहीले बताए ।
यस अघि घाम तापेर बस्ने शिक्षकहरुले समेत नियमित पढाउन थालेको र लापरवाही हटेको शान्नि त्रिबेणी गाउँपालिका-६ का वडा अध्यक्ष एवंम गाउँपालिकाका प्रबक्ता हिमाल धामीले जानकारी दिए ।
प्रतिक्रिया दिनुहोस्