पोखरा ।
२५औँ संस्करणको आहा रारा पोखरा गोल्डकपको फाइनलमा आयोजक सहारा क्लब र जावलाखेल युथ क्लब भिड्दैछन् ।बिहीबारको प्रतिस्पर्धामा १० खेलाडीमा सीमित हुँदा पनि जावलाखेलले उपाधि भिडन्त पक्का गर्न सकेको हो ।
उज्वेकिस्तानको बलियो टिम आभा फुटबल क्लबलाई १–० गोलअन्तरले पराजित गर्यो । सहाराले भने मनाङ मर्स्याङ्दी क्लबलाई सेमिफाइनलमा सडन डेथको शिकार बनाउँदै फाइनल पुगेको हो । सहाराले १२ औँ संस्करणको उपाधि जितेको छ ।
११ र १५ औँ संस्करणमा समेत फाइनल पुगेर पनि उपाधिबाट वञ्चित बनेको थियो ।शनिबार सहारा र जावलाखेलबिच हुने फाइनलमा विजेताले १४ लाख र उपविजेताले ७ लाख रुपैयाँ पुरस्कार प्राप्त गर्नेछन् ।
प्रकाशित मिति : २०८२ फागुन ८ गते शुक्रबार
प्रतिक्रिया दिनुहोस्