कोहलपुर ।
कोहलपुर रेडक्रस मार्ग टोल सुधार समितिले जडान गरेका सडकका बत्तीहरू कोहलपुर नगरपालिका–११ की वडाध्यक्ष कल्पना शर्माले उद्घाटन गरेकी छन् । बुधबार एक कार्यक्रमका बीच स्वीच अन गरेर शर्माले सडक बत्ती उद्घाटन गरेकी हुन् ।
सो अवसरमा बोल्दै उनले कोहलपुरको विकासका लागि स्थानीय सरकारको मात्र मुख नताकी प्रत्येक व्यक्ति र संघसंस्थाले आआफ्नो ठाउँबाट सकेको योगदान दिनुपर्ने बताइन् ।
विकास निर्माणमा टोल सुधार समितिहरूको महत्वपूर्ण भूमिका रहने गरेको उनको भनाइ छ । विकास निमार्णमा खुट्टा तान्ने प्रवृत्ति रहेकाले त्यसलाई त्यागेर समाज निर्माणका लागि सबैले हातेमालो गर्नु आवश्यक रहेको उनले बताइन् ।
रेडक्रस मार्ग टोल सुधार समितिका ६० घरधुरीले प्रत्येक घरधुरी २ हजार रुपैयाँ उठाएर बत्ती जडान गरेका हुन् । सो मार्गमा २१ वटा नयाँ बत्ती जडान गरिएको छ ।
सडकमा बत्ती नहुँदा दुर्घटना र चोरी बढेको र हिँड्डुल गर्न समस्या हुने गरेको समितिका अध्यक्ष हिमाल घिमिरेले जनाए । संंविधान दिवसको पूर्वसन्ध्या भएकाले सो अवसरमा दीप प्रज्वलनसमेत गरिएको थियो ।
प्रतिक्रिया दिनुहोस्