कोहलपुर ।
कोहलपुर नेपालगन्ज सडक खण्डको कौशिल्या अस्पताल नजिकै मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन् ।
शनिबार बिहान करिब साढे तीन बजेको समयमा मोटरसाइकल दुर्घटना हुँदा मोटरसाइकल चालक कोहलपुर नगरपालिका–१० निवासी भूपेन्द्र सुनारको मृत्यु भएको इलाका प्रहरी कार्यालय कोहलपुरले जनाएको छ ।
तत्कालै उद्धार गरेर नेपालगन्ज मेडिकल कलेज शिक्षण अस्पताल कोहलपुरमा पु¥याइएकोमा उपचारकै क्रममा उनको मृत्यु भएको थियो । दुर्घटनामा परेर मोटरसाइकल पछाडी बसेका सुर्खेत लेकबेसी नगरपालिका– ३ राताटार घर भई हाल सशस्त्र प्रहरी ४२ नम्बर गण शमशेरगञ्जमा कार्यरत सशस्त्र प्रहरी सहायक निरीक्षक लालबहादुर सुनार घाइते भएका छन् ।
इलाका प्रहरी कार्यालय कोहलपुरका अनुसार घाइतेहरूलाई उपचारको लागि नेपालगन्ज मेडिकल कलेज शिक्षण अस्पताल कोहलपुरमा पु¥याएकोमा उपचारको क्रममा भूपेन्द्र सुनारको मृत्यु भएको थियो ।
घाइते सुनारको शिक्षण अस्पतालमा उपचार भइरहेको र उनको अवस्था सामान्य रहेकोे छ । दुर्घटना कसरी भयो भन्नेबारे अनुसन्धान भइरहेको इलाका प्रहरी कार्यालय कोहलपुरले जनाएको छ ।
प्रतिक्रिया दिनुहोस्