प्रगतिशील कविको छवि बनाएका मणि अर्याल (मणि रत्न)ले आधुनिक गीतको क्षेत्रमा तेस्रो सिर्जना बजारमा ल्याएका छन् । शुक्रबार युटुब च्यानल मार्फत उनको सिर्जना हाँस्दाहाँस्दै लन्च गरिएको हो ।
यसअघि मेरो सुन्दर संसार र घैलाभरी पानी बोलका आधुनिक गीत रचेका मणिले चर्चित गायक प्रमोद खरेलको स्वरमा हाँस्दाहाँस्दै बाहिर ल्याएका हुन् । मणिरत्नको लेखाई जति सुन्दर छ, प्रमोद खरेलको स्वर त्यति नै कर्णप्रिय । त्यसलाई सन्तोष श्रेष्ठको संगीत र युगल कलाकारको अभिनयले अत्यन्तै सुन्दर समिश्रण सहितको सिर्जनाको आधुनिक गीत उपहार शुक्रबार मणिरत्नले पस्किएका हुन् ।
सन्तोष श्रेष्ठको संगीतमा गाइएको मणिरत्नको तेस्रो सिर्जना लन्च गरेको केही घण्टामै १९ हजार बढीले रुचाएको युटुब च्यानल ओएर डिजिटलमा हेर्न सकिन्छ । ‘विरहको गति भएपनि केही सन्देश दिन खोजिएको छ’, कवि मणिरत्नले आधुनिक गीतमा निरन्तर कलम चलाउन प्रेरित भएको प्रतिक्रिया दिंदै भने, ‘दर्शक, स्रोताको स्नेहले उत्साहित छु ।’