मिसनटुडे संवाददाता
प्रकाशित मितिः शुक्रबार, बैशाख १९, २०७७
कोहलपुर ।
बाँकेको सवारी दुर्घटनामा परेर एक प्रहरी जवानको मृत्यु भएको छ ।
बिहीबार साँझ राप्तीसोनारी गाउँपालिका १ कुसुममा ट्रकमा मोटसाइकल ठोक्किदा एक प्रहरी जवानको मृत्यु भएको इलाका प्रहरी कार्यालय कोहलपुरले जनाएको छ ।
दुर्घटनामा परेर मोटरसाइकलमा सवार बर्दियाको बारबर्दिया नगरपालिका ४ घर भएका प्रहरी जवान अनिल थारु रहेका छन् ।
उनी दाङतर्फबाट बर्दिया घर फर्किदै थिए । दाङ दरबन्दी भई ललितपुरमा कार्यरत रहँदै आएका थारु सवार मोटरसाईकल ट्रकमा ठोक्कीएको थियो ।
दुर्घटनामा परी गम्भिर घाइते भएका उनको नेपालगञ्ज शिक्षण अस्पताल कोहलपुरमा उपचारका क्रममा मृत्यु भएको हो ।
#File Photo