कोहलपुर ।
नेपाल एशोसियशन अफ टुर एण्ड ट्राभल्स एजेन्ट्स (नाट्टा) बाँके च्याप्टरको प्रथम वार्षिक अधिवेशन सम्पन्न भएको छ । बाँकेको पर्यटकीय क्षेत्र गाभर भ्यालीमा शनिबार सम्पन्न अधिवेशनले नयाँ नेतृत्व समेत चयन गरेको छ ।
प्रथम अधिवेशनले गत भाद्र ७ गते गठन गरीएको तदर्थ समितिलाई मान्यता प्रदान गर्दै सोही कमिटिलाई निरन्तरता दिएको छ । अधिवेशनबाट नाट्टा बाँके च्याप्टरको अध्यक्षमा श्रीराम सिग्देल दोहोरीएका छन ।
त्यसैगरी उपाध्यक्षमा डिल्लीराम रेग्मी, महासचिवमा झविलाल शर्मा, सचिवमा भागिराम वली, कोषाध्यक्षमा राम बहारदुर श्रेष्ठ र सह-कोषाध्यक्षमा पारश शाहले ले निरन्तरता पाएका छन ।
सदस्यतर्फ पुरानो समितिका शम्भु बुढाथोकी, अजमल सिद्दिकी र कुमार चाल्स श्रेष्ठले निरन्तरता पाँउदै गर्दा लवराज प्रधान र कूलबहादुर के.सी. नयाँ सदस्यका रुपमा चयन भएका छन ।
नाट्टा बाँके च्याप्टरको १३ सदस्यीय तदर्थ समितिलाई घटाउँदै ११ सदस्यीय कार्यसमिति चयन गरीएको नव निर्वाचित सचिव भागिराम वलीले जानकारी दिए ।
प्रतिक्रिया दिनुहोस्