सेनाको छनौटमा कोहलपुर बागेश्वरी

कोहलपुर ।

बाँकेको कोहलपुरमा रहेको कोहलपुर बागेश्वरी अंग्रेजी मिडियम विद्यालयलाई नेपाली सेनाले छनौट गरेको छ ।

आफ्ना सदस्यहरुका छोराछोरीहरुको पठनपाठन गराउने उद्देश्यका साथ सेनाले बागेश्वरीलाई छनौट गरेको हो ।

विद्यालयका संस्थापक विष्णु प्रसाद केसीले नेपाली सेनाको छनौट पश्चात सम्झौता समेत भइसकेको जानकारी दिए ।

‘कोहलपुर नगरका बालबालिकाले पनि गुणस्तरीय शिक्षा प्रदान गरिरहेका थियौं’ उनले भने, ‘तर अहिले नेपाली सेनाले पनि छनौट गरेको छ ।’ आर्थिक वर्ष २०७७÷०७८ देखि नेपाली सेनाले आफ्ना सदस्यहरुका छोराछोरीलाई भर्ना गर्ने उनले बताए ।