काठमाडौँ ।
बारा र पर्सा जिल्लामा आज साँझ आएको भीषण हावाहुरीका कारण ठूलो जनधनको क्षति भएको छ।
हावाहुरीका कारण ज्यान गुमाउनेहरुको यकिन संख्या खुलिसकेको छैन। प्रधानमन्त्री केपी शर्मा ओलीले ट्विट गर्दै हालसम्म २५ जनाको ज्यान गएको र करीब ४०० घाइते भएको जानकारी दिएका छन्।
K P Sharma Oli@kpsharmaoliबारा/पर्सा जिल्लाको केही स्थानमा अहिले सॉझ आएको डरलाग्दो ऑधि/हुरीबाट धनजनको अकल्पनीय क्षति भएको जानकारीमा आएकोछ। यस आकस्मिक क्षतिप्रति गहिरो दु:ख व्यक्त गर्दछु। उद्दारमा सुरक्षाकर्मीहरू परिचालित भईसकेका छन्।उद्दारमा गंभीर हुन र घाईतेको उपचारमा कुनै कमी आउन नदिन निर्देशित गरिएकोछ।
K P Sharma Oli@kpsharmaoliReplying to @kpsharmaoliहालसम्म २५ जनाको ज्यान गएको र करीब ४०० घाईते भएको जानकारीमा आएकोछ। मृत्युबरण गर्नेहरूप्रति शोकव्यक्त गर्दछु। र, शोकाकुल परिवारजनमा गहिरो समवेदना प्रकट गर्दछु ।
K P Sharma Oli@kpsharmaoliभोली बिहानबाट आवस्यक उद्दार र राहतका लागि हेलिकप्टर तयारी अवस्थामा राखिएको छ । मौसमले साथ दिएमा तत्काल उद्दार गर्न काठमाडौंको एयर बेसमा
“नाईट भिजन” हेलिकप्टर तयारी अवस्थामा राखिएको छ।
सुरक्षाकर्मी संगै उद्दारमा संलग्न रहन म, सिंगो पार्टी पंक्तिलाई आह्वान गर्दछु।निजी अस्पतालहरुमा भएको मृत्युको खबर आइनसकेको कारण मृत्यु हुनेको संख्या ५० नाघ्न सक्ने अनुमान गरिएको छ।
गृह मन्त्रालयको राष्ट्रिय आपतकालीन कार्य सञ्चालन केन्द्रले जनाए अनुसार बारा जिल्लामा हावाहुरीले भट्टाको चिम्नी लडाउँदा कम्तिमा ३ जनाको मृत्यु भएको छ। त्यसैगरी गुडिरहेको गाडी पल्टिँदा २ जनाको मृत्यु भएको छ।
पर्साका विभिन्न स्थानमा १२० जना घाइते भएको र उनीहरुको नारायणी उपक्षेत्रीय अस्पतालमा उपचार भइरहेको प्रहरीलाई उद्धृत गर्दै राससले जनाएको छ। बारामा पनि थुप्रै घाइतेहरु भएको र उनीहरुको उपचार कलैया अस्पतालमा भइरहेको छ।
ग्रामीण क्षेत्रमा आएको हावाहुरीका कारण घर, पर्खाल भत्किनाका साथै ठूलो जनधनको क्षति भएको छ। हुरीका कारण आपतमा परेकाहरुको उद्धारमा नेपाली सेना, नेपाल प्रहरी, सशस्त्र प्रहरी तथा स्थानीयवासी खटिएको प्रहरीले जनाएको छ।
प्रदेश नम्बर २ का मुख्यमन्त्री लालबाबु राउतले पनि ट्विट गर्दै ठूलो संख्यामा जनधनको क्षति भएको जानकारी आएको बताएका छन्।
Lalbabu Raut@Province2CMबारा पर्साको केही स्थानमा आएको डरलाग्दो आँधि ठुलो संख्यामा जनधनको क्षति भएको खबर आएको छ।दुखको यस घडिमा सम्मपूर्ण सुरक्षाकर्मीलाई उद्दार कार्यमा सहयोग गर्न आहव्ना गर्दछु।घाइतेहरुको उपचारको लागि स्वास्थ्य सेवाका कर्मचारीरु अनुरोध छ।शोकाकुल परिवारप्रति गहिरो समवेदना व्यक्त गर्दछु ।
प्रतिक्रिया दिनुहोस्