कोहलपुर ।
बाँकेको कोहलपुरमा नारी दिवसको अवसरमा ‘कोहलपुर दुर्गा सप्लायर्स’ सञ्चालनमा आएको छ । सप्लायर्सको शुक्रबार एक कार्यक्रममा बिच कोहलपुर उद्योग बाणिज्य अध्यक्ष चक्र बहादुर अधिकारी लगायतले उद्घाटन गरेका थिए ।
कोहलपुर नगरपालिका वडा नं. ११ स्थित न्यूरोडदेखि पूर्वतर्फ करिव ७० लाख लागतमा ‘कोहलपुर दुर्गा सप्लायर्स’ सञ्चालनमा आएको हो । सघंका अध्यक्ष अधिकारीले कोहलपुरमा विभिन्न कम्पनीका सुविधा सम्पन्न शोरुमहरु खोल्नु एकदमै राम्रो काम रहेको बताए । उनले यस क्षेत्रका उद्योगी व्यवसायीका समस्याहरुमा हातेमालो गर्न संघ सदैब तयार रहेको प्रतिबद्वता जनाए ।
ईलेक्ट्रोनिक्स व्यवसायबाट ख्याती कमाएका शर्माले ब्राण्डेड जुत्ताको पसल ‘कोहलपुर दुर्गा सप्लायर्स’ सञ्चालनमा ल्याएका हुन् । सञ्चालक शर्माले यसका विभिन्न शाखाहरु विभिन्न शहरमा छिट्टै नै खोलिने जानकारी दिए । उनका अनुसार पसलमा विभिन्न कम्पनीका जुत्ताका साथै ब्राण्डेड कम्पनीका चस्मा, घडि, पर्स, बेल्ट लगाएतका सामग्रीहरु उपलब्ध हुने बताइएको छ ।
उद्घाटन समारोहमा कोहलपुर उद्योग बाणिज्य संघका महासचिव तेजप्रसाद अधिकारी, सदस्य संगिता सुवेदी, व्यवसायी लगायतको उपस्थिती रहेको थियो ।
प्रतिक्रिया दिनुहोस्