बर्दिया,४ माघ/ बर्दियाको मधुवन नगरपालिका वार्ड नम्बर–५ का शेरबहादुर वलीको शव झुन्डिएको अवस्थामा प्रहरीले फेलापारेको छ ।
घाँटीमा डोरीले बाँधिएको र रुखमा झुन्डिएको अवस्थामा उनको शव बिहीबार स्थानीय चिरौटे सामुदायिक वनमा फेलापरेको हो ।
४४ वर्षीय वली बेपत्ता भएको स्थानीयबाट जानकारी आएपछि जिल्ला प्रहरी कार्यालय बर्दियाबाट विशेष टिम नै परिचालन गरी खोजी गरिएको थियो ।
घना जंगलभित्र झुन्डिएको अवस्थामा वलीको शव फेलापरेको हो ।
प्रहरीले घटनाको अनुसन्धान सुरु गरिसकेको जिप्रका बर्दियाका प्रमुख एसपी जनक भट्टराईले जानकारी दिए ।
शवलाई पोस्टमार्टम्का लागि बर्दिया जिल्ला अस्पतालमा ल्याइएको छ ।
प्रकाशित मिति : २०७४ माघ ४ गते बिहीबार
प्रतिक्रिया दिनुहोस्