निर्वाचन आयोगले चितवनको भरतपुर महानगरपालिकामा मतपत्र च्यातिएको घटनाको छानबिन गर्न तीन सदस्यीय अनुगमन टोली गठन गरेको छ ।
आयोगको आजको बैठकले चितवनका मुख्य निर्वाचन अधिकृतले आयोगमा पठाएको प्रतिवेदनका आधारमा घटनाको छानबिन गर्न सहन्यायाधिवक्ता गीताप्रसाद तिमिल्सिना संयोजक रहेको अनुगमन टोली गठन गर्ने निर्णय गरेको हो ।
अनुगमन टोलीका सदस्यमा गृह मन्त्रालयका सहसचिव र प्रहरी प्रधान कार्यालयका प्रहरी नायब महानिरीक्षक रहेका छन् ।
टोलीलाई घटनाको छानबिन गरी १७ जेठभित्र प्रतिवेदन पेस गर्ने समय दिइएको छ ।
टोलीले स्थलगत भ्रमण गरी मुख्य निर्वाचन अधिकृत, प्रमुख जिल्ला अधिकारी, जिल्ला प्रहरी कार्यालयका प्रमुख, मतगणनास्थलमा खटिएका सशस्त्र प्रहरीका टोली प्रमुख र राजनीतिक दलसँगसमेत छलफल गरी प्रतिवेदन पेस गर्नेछ । रासस
– See more at: http://himalkhabar.com/news/3857#sthash.gyONZnYe.p1caQb8E.dpuf