19 September 2021  |   आइतवार, अशोज ३, २०७८

भारतमा तीन नेपालीको मृत्यु

मिसनटुडे संवाददाता
प्रकाशित मितिः बुधबार, असार २९, २०७३  

कोहलपुर, असार २९
बुटवलबाट नयाँ दिल्लीका लागि छुटेको बस भारत उत्तर प्रदेशको बहराइचमा दुर्घटना हुँदा तीन जनाको मृत्यु भएको छ । नेपालगञ्ज –रुपईडिहा सिमाबाट ३५ किलोमिटरको दुरीमा पर्ने रिसिया क्षेत्रको भोपतपुर भन्ने स्थानमा भएको दुर्घटनामा बसमा सवार ३५ जना यात्रु घाइते भएका छन् ।
मंगलबार राती २ बजेको समयमा बसलाई भारतीय नम्बरको मिनीट्रकले ठक्कर दिदा दुर्घटना भएको भारतीय प्रहरीले जनाएको छ । नेपाली यात्रु बोकेको ना ४ ख. ७६८७ नम्बरको बसमा स्याउ बोकेर बहराईच तर्फ जाँदै गरेको यूके ३२–१२७२ नम्बरको मिनि ट्रकसँग ठक्कर खाँदा बसमा सवार ३ नेपाली सहित २ जना भारतिय नागरिकको मृत्यु भएको हो । दुर्घटना नेपाली २८ जना सामान्य र २ जना गम्भिर घाईते भएका छन् । मृत्यु हुने नेपालीमा पश्चिम नेपाल बस व्यवसायी समितीको ना ४ ख ७६८७ नम्बर बसका चालक नवलपरासी देउरालीका खुमबहादुर सारुमगर, यात्रु पाल्पाका १२ बर्षिय तेजु अर्याल र स्याङ्जा रापाकोटका २६ बर्षिय धनप्रसाद लम्साल रहेका छन् ।
दुर्घटनामा मिनि ट्रकका चालक ३० बर्षिय नाजिर अहमद र खलासी २८ बर्षिय नफिस अहमदको मृत्यु भएको रुपईडिहा थाना अध्यक्ष छोटक यादबले जानकारी दिए ।  बस र मिनि ट्रक तिब्र गतिका कारण ठोकिएको हुन सक्ने भारतिय प्रहरीले जनाएको छ । घाईते मध्य ३३ जनाको जिल्ला अस्पताल बहराईचमा उपचार भईरहेको छ भने गम्भीर अवस्थाका २ जना घाईतेलाई थप उपचारकालागि ट्रमा अस्पताल लखनउ रिफर गरिएको भारतीय प्रहरीलाई उद्धृत गर्दे सहकर्मी सन्तोष शुक्लाले जानकारी दिए ।

प्रकाशित मितिः बुधबार, असार २९, २०७३     12:55:55 PM  |