कोहलपुर, चैत्र २१
जलवायू परिवर्तनलाई समुदायमा अनुकुलन बनाउनका लागि बाँकेको टीटिहीरीया गाविसमा समुदायमा आधारित अनुकुलन योजना तर्जूमा कार्यक्रम गरिएको छ ।
नेपाल सरकार जनसंख्या तथा वातावरण मन्त्रालय जलवायु परिवर्तन समानुकुलन नमुना कार्यक्रम विकास आयोजनाहरुमा जलवायु परिवर्तन र समुदायमा आधारित अनुकुलन सम्बन्धी तालिमका क्रममा शनिबार बाँकेको टिटिहिरीयामा तालिममा सहभागीहरुलाई तर्जुमा गर्न लगाईएको हो ।
पछिल्लो समय जलवायू परिवर्तनको असर नेपालमा देखिएकाले जलवायू परिवर्तलाई न्यूनिकरण गर्न नसके पनि कसरी समुदायमै कसरी अनुकुलन गर्न सकिन्छ भन्ने विषयमा आफूहरुले टिटिहीरिया गाविसका वडा नम्बर ४ र ५ उक्त योजना कार्यक्रम गरेको सहभागीहरुले बताएका
छन् ।
जलवायु परिवर्तनलाई मुदाउमा अनुकुलनका लागि यो कार्य आवश्यक रहेको सहभागीहरुको भनाइ छ । रुपान्तरण नेपाल , सामुहिक अभियान, गाविस राष्ट्रिय महासंघ र वातावरण पत्रकारसंगको सहकार्यमा भएको उक्त कार्यक्रम सहभागीहरुलाई प्रत्यक्ष रुपमा समुदायमै गएर आफूहरुले अभ्यास गराउने गरेको सामुहिक नेपालका सहजकर्ता दिपक श्रेष्ठले जानकारी
दिए ।
जलवायू परिवर्तनलाई समुदायमा अनुकुलन बनाउनका लागि समुदायमा आधारित अनुकुलन योजना तर्जूमा कार्यक्रम टिटिहिरीया गाविसका वडा नम्बर ४ ,५ ,६ र ८ वडाका स्थानियहरुको सहभागीता रहेको थियो ।
उनीहरुले ३० वर्ष पहिलेको अवस्था र हालको अवस्था, जलवायु परिवर्तनले देखापरेका सम्या लगायतका विषयमा जानकारी दिएका थिए ।
मिसनटुडे संवाददाता
प्रकाशित मितिः आइतवार, चैत्र २१, २०७२