मुक्त कम्लरीलाई टेलरि· तालिम

कोहलपुर, चैत्र १८
मुक्त कम्लरीहरुलाई प्राविधीक तालिम अन्तर्गत टेलरिङ्ग (गार्मेन्ट फेब्रिकेशन) तालिम बुधबारदेखि बाँकेको नेपालगन्जमा सुरु गरिएको छ । ३ महिना सम्म सञ्चालन हुने तालिमको घरेलु तथा साना उद्योग कार्यालय नेपालगन्जका प्रमुख कमल प्रसाद घिमिरेले उद्घाटन
गरे ।
गार्मेन्ट तालिमको उद्घाटन सत्रमा बोल्दै प्रमुख अतिथि घिमीरेले अवसरका रुपमा आएको तालिमलाई मुक्त कम्लरीहरुले बढी भन्दा बढी सदुपयोग गर्नु पर्ने बताए । उनले मुक्तकमलरीहरुलाई सहयोग र सहकार्य गर्न आफनो कार्यालय तयार रहेको पनि जानकारी
दिए ।
तालिममा पढाई पुरा गर्न नसकेका र बेरोजगार रहेका पश्चिम नेपालको बाँके, बर्दिया, कैलाली, कञ्चानपुर र दाङ्ग जिल्लाका २० जना मुक्त कम्लरीहरुको सहभागीता रहेको छ । उनीहरुलाई गार्मेन्ट सम्बन्धी सीपहरु सिकाइनेछ । जसमा सपिङ व्याग, स्कूल व्याग, फाइल व्याग लगायत सानाठूला व्यागहरु सिलाउने तथा आउटरहरु समेत तयार पार्ने लगायतका १८ वटा सीपहरु सिकाइने तालिमका प्रशिक्षक विर बहादुर चौधरीले जानकारी गराए । कार्यक्रमको संचालन फकला थारुले गरेका थिए ।