1 December 2020  |   मङ्लबार, मंसिर १६, २०७७

जिका भाइरसका कारण विश्व स्वास्थ्य संकटकाल घोषणा

मिसनटुडे संवाददाता
प्रकाशित मितिः मङ्लबार, माघ १९, २०७२  

  माघ १९

zika virus (2)

विश्व स्वास्थ्य संगठनले दक्षिण अमेरिकामा फैलिरहेको जिका भाइरसको संक्रमणलाई विश्व स्वास्थ्य संकटकालको रुपमा घेाषणा गरेको छ ।

विश्व स्वास्थ्य संगठनका अनुसार जिका भाइरसको समस्या समाधानका लागि अन्तराष्ट्रिय स्तरमा प्रयासलाई तिव्र पार्नु आवश्यक छ ।

जिका भाइरस संक्रमणको बारेमा छलफल गर्नका लागि स्विजरल्याण्डको जेनेभामा डब्लुएचओको आकस्मिक बैठक बसेर यस्तो निर्णय गरेको हो ।

संगठनका अनुसार जिका भाइरस तिव्र रुपमा फैलिरहेको छ । उत्तर तथा दक्षिण अमेरिकामा ४० लाख जना मानिसमा यो रोगको संक्रमण फैलिने खतरा रहेको डब्लुएचओका अधिकारीहरुले जनाएका छन् ।

दक्षिण अमेरिकाका केही देशमा जिका भाइरसको खतरा बढ्दैै गइरहेको छ । लामखुट्टेबाट मानिसमा सर्ने जिका भाइरस संक्रमणपछि पनि धेरै मानिसमा यसको लक्षण नदेखिने भएपनि यसको असर बालबालिकाको मस्तिष्कमा पर्ने गर्छ ।

ब्राजिलमा पछिल्लो समयमा जन्मिएका दिमागी रुपमा कमजोर हजारौँ बच्चामा जिका भाइरसको संक्रमण हुनसक्ने बताइएको छ ।
zika virus (1)
डब्लुएचओद्धारा जिका संकटकाल घोषणा गरेसँगै अब यो भाइरस विरुद्ध लड्न प्रयोगशालामा पनि तिव्र रुपमा काम हुनेछन् भने सरुवा नियन्त्रण, रोकथाम तथा बचावटका लागि विश्वव्यापी स्तरमै प्रयास हुनेछन् । जिका भाइरसको भ्याक्सिन तयार गर्न दुइ वर्षसम्म लाग्नसक्ने बताइएको छ । विश्वका कुना कुनासम्म यो खोप पूराउन त अझ केयौँ वर्ष लाग्नसक्छ ।

अहिले दक्षिण अमेरिकी देश ब्राजिल जिका भाइरसबाट सबैभन्दा बढि प्रभावित बनेको छ र यहाँ हजारौँ मानिसमा जिका भाइरसको संक्रमण फैलिएको छ । ब्राजिल सहित अन्य २० देशमा जिका भाइरसको संक्रमण देखिएको छ । एजेन्सीको सहयोगमा

प्रकाशित मितिः मङ्लबार, माघ १९, २०७२     1:23:38 PM  |

Leave a Reply

Your email address will not be published. Required fields are marked *