25 November 2020  |   बिहिबार, मंसिर ११, २०७७

कांग्रेस पदाधिकारी बैठक बस्दै

मिसनटुडे संवाददाता
प्रकाशित मितिः मङ्लबार, माघ ५, २०७२  

काठमाडौं, माघ ५

विधान संशोधनबारे छलफल हुने

प्रमुख प्रतिपक्षी दल नेपाली कांग्रेसको पदाधिकारी बैठक बस्दै छ।
सभापति सुशील कोइरालाको महाराजगञ्जस्थित निवासमा बस्ने बैठकमा आसन्न १३ औँ महाधिवेशनका विषयमा छलफल हुनेछ।
यस्तै बैठकमा पार्टीको विधान संशोधनका विषयमा पनि छलफल हुने कांग्रेसले जनाएको छ। शीर्ष नेताहरुले विधान समितिले तयार गरिरहेको बिधानबारे पनि आफ्नो धारणा राख्नेछन्।
पार्टीको विधान संशोधनबारे विधान तयारी समितिमा संस्थापन र बरिष्ठ नेता देउवा पक्षवीच विवाद भएपछि यसबारे शीर्ष नेताहरुले पदाधिकारी बैठकमा धारणा राख्न लागेका हुन्।
पदाधिकारी बैठकमा विधान तयारी समितिका सदस्यहरुलाई पनि बोलाइएको छ।
पार्टीको १३ औँ महाधिवेशन नजिकएसँगै कांग्रेसलाई महाधिवेशनको चटारो परेको छ। बैठकमा मुलुकको पछिल्लो राजनीतिक घटनाक्रम, मधेसी मोर्चासँग भइरहेको वार्ताको प्रगति लगायत विषयमा पनि छलफल हुनेछ।
प्रकाशित मितिः मङ्लबार, माघ ५, २०७२     10:45:10 AM  |

Leave a Reply

Your email address will not be published. Required fields are marked *