के सी शेर, अष्टिन टेक्सास –
अमेरिका टेक्सासको अष्टिनमा शनिबार भए को खुल्ला पुरुष भलिबल प्रतियोगितामा आयोजक नेपाली जन सम्पर्क समिति अष्टिन च्याप्टरको टिम बिजयी भएको छ । निकै प्रतिस्पर्धात्मक फाइनल खेलमा हिमाली टाइगर भलिबल टिम किलिनलाई हराउँदै जनसम्पर्क समिति अष्टिन च्याप्टर बिजयी भएको हो ।
६ टिमको सहभागिता रहेको प्रतियोगितामा हिमाली टाइगर किलिन उपविजेता भयो भने सिस्ने हिमाल भलिबल टिम अष्टिन तेस्रो भयो । नयाँ वर्षको अवसरमा नेपाली जन सम्पर्क समिति अष्टिन च्याप्टरले गर्दै आएको बिभिन्न कार्यक्रम अन्तरगत शनिबार भलिबल प्रतियोगिता सम्पन्न गरेको हो ।
प्रतियोगितामा आयोजक जन सम्पर्क समिति अष्टिनको भलिबल टिम सहित हिमाली टाइगर भलिबल टिम किलिन, सिस्ने हिमाल भलिबल टिम रिभरसाइड अष्टिन, बिग अष्टिन भलिबल टिम, गोरखा ब्वाइज भलिबल टिम र नर्थ अष्टिन भलिबल टिमले प्रतिस्पर्धागरेका थिए ।
५ सय डलर पुरष्कार राशीको भलिबल प्रतियोगिता नक आउट चरणमा खेलाइएको थियो । फाइनल बेष्ट अफ ५ कोप्रतिस्पर्धाको रेफ्रिमा रुकुमका पुराना चर्चित खेलाडी रामप्रसाद के सी रहेका थिए भने अन्य रेफ्रिमा खगेन्द्र शर्मा, रोशन बस्नेत लगायतका रहेका थिए ।
बिजयी टिमलाई आइतबार हुने कार्यक्रम मार्फत नगद तथा मेडल प्रदान गर्ने कार्यक्रम रहेको प्रतियोगिताका संयोजक रबिन बस्नेतले जानकारी दिए । जन सम्पर्क समिति अष्टिन च्याप्टरले आइतवार प्रतिस्पर्धात्मक सांस्कृतिक कार्यक्रम सहित भव्य शुभकामना आदान प्रदान कार्यक्रम गर्दैछ ।
कार्यक्रमका लागि नेविसंघका केन्द्रिय अध्यक्ष नेपाली कांग्रेसका केन्द्रिय सदस्य तथा सभाषद रंजित कर्ण अष्टिन आइसकेका छन् । यसैगरी गायिका पविता परियारले समेत सहभागी हुने कार्यक्रम रहेको जन सम्पर्क समिति अष्टिन सभापती पे्रम पाण्डेले बताए ।
मिसनटुडे संवाददाता
प्रकाशित मितिः आइतवार, पुस २६, २०७२