कोहलपुरको गणपति प्लाइ उद्योगमा मेसिन पड्किँदा एकको मृत्यु



कोहलपुर ।

बाँकेको पार्वतीपुरमा रहेको प्लाइउड उद्योगमा बोइलर मेसिन पड्किँदा एकजना मजदुरको मृत्यु भएको छ ।

कोहलपुर नगरपालिका वडा नं. १४, पार्वतीपुरमा रहेको गणपति डोर एण्ड प्लाइ बोर्ड इन्डस्ट्रिज प्रालिमा रहेका स्टीम बोइलर मेसिन पड्किँदा बर्दिया बारबर्दिया नगरपालिका वडा नं. ९ का खुशीराम थारुको मृत्यु भएको हो ।

आइतबार बिहान ५ बजेर ५ मिनेटमा घटना भएको ईलाका प्रहरी कार्यालय कोहलपुरका प्रमुख प्रहरी नायब उपरीक्षक रबिन्द्र खनालले जानकारी दिए ।

घटनाबारे थप अनुसन्धान भइरहेको इलाका प्रहरी कार्यालय, कोहलपुरले जनाएको छ ।

  • No tags available
प्रकाशित मिति : २०७८ जेठ ३० गते आइतबार