साधारणसभा सम्पन्न

कोहलपुर, भदौ ४
सिर्जना सामुदायिक वन उपभोक्ता समुहले शुक्रबार २१ औं साधारण सभा तथा सार्वजनिक सुनवाई कार्यक्रम सम्पन्न गरेको छ । समूहले आ.व. २०७२÷०७३ मा २६ लाख ८४ हजार ४ सय २२ रुपैंया बराबरको आयव्यय विवरण सार्वजनिक गरेको छ । कार्यक्रममा समूहले वन विकास, वृक्षारोपण, संस्थागत विकास, व्यवस्थित बगैचा लगायतका कामहरु गरेको छ । कार्यक्रममा ६ जना छात्रछात्राहरुलाई छात्रबृत्ति रकम उपलब्ध गराएको छ । जनही ६ सयका दरले उक्त छात्रबृत्ति रकम वितरण गरेको हो ।

कार्यक्रममा जिल्ला वन कार्यालय बाँकेका वन अधिकृत पुष्पराज वर्तौला, सामुदायिक वन उपभोक्ता महासंघ बाँकेकी सचिवालय सदस्य केश कुमारी वली, नेकपा एमाले नगर प्रमुख खिल प्रसाद भूसाल लगायतको उपस्थिति रहेको थियो । कार्यक्रम वनका अध्यक्ष दशरथ पराजुलीको सभापतित्वमा भएको थियो ।