गजलहरु

– देबकी निरौला
कसैको सास सँग खेलिरहेछ
कसैको लास सँग खेलिरहेछ

बुझ्दैछौ समय कति निर्दयी छ
सबैको विश्वास सँग खेलिरहेछ

दुनियालाई बडो चुनौती दिदै
धत्र्ती र आकाश सँग खेलिरहेछ

बगाउँदै कहिले जलाउँदै आगो
पानी र बताससँग खेलिरहेछ

कहिले न हुने तर कहिले हुने
आश र निराशसँग खेलिरहेछ

 
– बाल कृष्ण रावत

सानो हुँदा खाना, खाएन भनी रोएँ
ठुलो भयो खाना दिएन भनी रोएँ

बुबा आमाको माया छोराछोरी माथि
आज उसैले सम्झिएन, भनी रोएँ

कहिले मर्लान् र मार्लान् भन्ने डर
किन दैवले छिट्टै लिएन भनी रोएँ

दया मायाको भिख माग्नु पर्ने हो र?
के मातृत्वको मूल्य थिएन ? भनी रोएँ

अधिकार मात्र खोज्ने कर्तव्य बिर्सने
किन ऊ अझै सप्रिएन भनी रोएँ ।