नेपालगञ्ज – जाजरकोटमा भर्खरै ठूलो दुर्घटना भएको छ ।
बाँकेको नेपालगन्जबाट दर्जन यात्रु बोकेर रुकुमको राडीबजारतर्फ जाँदै गरेको बस भेरी नदीमा खसेको छ ।
बिहीबार साँझ करीब ७ बजे जाजरकोटको भेरी नगरपालिका–१ को खलंगा–रिम्ना सडक खण्डको पिपे गाउँभन्दा करीब दुई सय मिटर अगाडिबाट भे१ख १३२९ नम्बरको बस भेरीमा खसेको हो ।
बसमा एक दर्जन यात्रु रहेको अनुमान गरिएको छ । जाजरकोटका प्रमुख जिल्ला अधिकारी ललितकुमार बस्नेतले बस दुर्घटनाको पुष्टि गर्दै उद्दारका लागि टोली परिचालनको तयारी भइरहेको बताए ।
दुर्घटनाको विस्तृत विवरण आउन सकेको छैन । स्थानीय वासिन्दा र प्रहरीले उद्दारको काम गरिरहेका छन् ।
प्रकाशित मिति : २०७५ फागुन ३ गते शुक्रबार
प्रतिक्रिया दिनुहोस्