राप्तीसोनारी (बाँके)/ बाँकेको राप्तीसोनारी गाउँपालिका–४ का स्थानीयवासीले गाँउमा पसेको चितुवालाई नियन्त्रणमा लिएर प्रहरीलाई बुझाएका छन् ।
बाँके राष्ट्रिय निकुञ्जबाट आएको चितुवाले गौरीगाँउका स्थानीयहरुलाई आक्रमण गर्न थालेपछि चितुवालाई नियन्त्रणमा लिएर प्रहरीलाई बुझाइएको हो ।
कैलाश थारुलाई चितुवाले आक्रमण गर्न खोजेपछि गाँउलेहरुले चितुवालाई नियन्त्रणमा लिएको पत्रकार हेमन्त चौधरीले बताए । करिब २ मिटर लम्बाई रहेको उक्त चितुवालाई इलाका प्रहरी कार्यालय धामपुरमा राखिएको थियो ।
नियन्त्रणमा लिइएको चितुवालाई आवश्यक प्रक्रिया पुरा गरी बाँके राष्ट्रिय निकुञ्जलाई हस्तान्तरण गरिएको ईलाका प्रहरी कार्यालय धामपुरका प्रहरी नायव निरीक्षक कमल थापाले बताए । निकुञ्जका हिंस्रक वन्यजन्तुका कारण राप्तीसोनारीका स्थानीयहरुले सास्ती खेप्दै आएका छन् ।
प्रकाशित मिति : २०७५ कात्तिक ९ गते शुक्रबार
प्रतिक्रिया दिनुहोस्