काठमाडौं,पुस २४/ नेपाल वैदेशिक रोजगार व्यवसायी संघले न्यु ब्लुस्टार म्यानपावरका सञ्चालक पक्राउ परेको प्रति ध्यानाकर्षण गर्दै घट्नाको छानविन गरी कारवाही गर्न वैदेशिक रोजगार विभागलाई अनुरोध गरेको छ ।
संघले विज्ञप्ती जारी गर्दै व्यवसायी संघमा ब्लुस्टार म्यानपावर सदस्य रहेको पाइएमा तत्काल छानविन गरी कारवाही गर्ने जनाएको छ । काठमाडौंको सिनामंगलमा रहेको ब्लुस्टार म्यानपावरका सञ्चालक राम घिमिरे र संजय उप्रेतीले कुवेत पठाइदिने भन्दै २६ जना युवालाई ठगेको आरोपमा सोमबार प्रहरीले पक्राउ गरेको छ ।
२६ जनाबाट १० लाख ६५ हजार रुपैयाँ लिए पनि विदेश नपठाएको भन्दै उनीहरुलाई प्रहरीको केन्द्रीय अनुसन्धान व्युरो सिआइवीले पक्राउ गरी थप अनुसन्धान र कारवाहीका लागि वैदेशिक रोजगार विभाग बुद्धनगर पठाएको छ ।
प्रकाशित मिति : २०७४ पुस २४ गते सोमबार
प्रतिक्रिया दिनुहोस्