बाँके,बर्दियाको फुटाहाबाट प्रहरीले लागूऔषध ब्राउनसुगरसहित बाँकेका दुईजनालाई पक्राउ गरेको छ । सीमावर्ती गाउँ बढैयाताल गाउँपालिका– २ फुटाहाबाट प्रहरीले लागूऔषध ब्राउनसुगरसहित उनीहरुलाई पक्राउ गरेको हो ।
बाँकेस्थित खजुरा गाउँपालिका–८ का २४ वर्षीय अमिर खान र डुडुवा गाउँपालिका–७ का ३७ वर्षीय राजु सिंहलाई पक्राउ गरिएको जिल्ला प्रहरी कार्यालय बर्दियाले जनाएको छ । उनीहरुको साथबाट प्रहरीले दुई ग्राम तीन सय ४० मिलिग्राम लागूऔषध ब्राउनसुगर बरामद गरेको थियो ।
प्रहरी चौकी जमुनीबाट खटिएको प्रहरी टोलीले भे७प ८४३५ नम्बरको स्कुटरमा सवार उनीहरुलाई चेकजाँच गर्दा लागूऔषध बरामद गरेको हो । लागूऔषध बरामद भएपछि प्रहरीले दुवैजनालाई नियन्त्रणमा लिएको थियो ।
दुवैजनालाई लागूऔषध मुद्दामा अदालतबाट म्याद थप गरेर अनुसन्धान अगाडि बढाइएको ईलाका प्रहरी कार्यालय मैनापोखरले जनाएको छ । पक्राउ परेकाहरुले सीमावर्ती भारतीय बजारबाट लागूऔषध ल्याएर आएको अनुसन्धान खुलेको प्रहरीले जनाएको छ ।