21 February 2024  |   बुधबार, फाल्गुन ९, २०८०

पूर्वराजाको अभिनन्दनका लागि १५ वटा समिति

मिसनटुडे संवाददाता
प्रकाशित मितिः शुक्रबार, बैशाख १५, २०८०  

नेपालगन्ज,
पूर्वराजा ज्ञानेन्द्र शाहको नागरिक अभिनन्दनलाई भव्य बनाउन पाँच हजार एक सदस्यीय मूल समिति गठन गरिएको छ । यसका साथै १४ वटा उपसमितिहरु पनि गठन गरिएको छ । राप्रपाका महामन्त्री एवम् प्रतिनिधिसभाका सांसद डा. धवलशमशेर राणाको संयोजकत्वमा गठित मूल समितिमा राजतन्त्र पक्षधर र हिन्दु संघ संंस्थाका प्रतिनिधिहरुलाई समावेश गरिएको छ ।


यसैगरी मञ्च व्यवस्थापन उपसमितिमा ओमप्रकाश आजाद, आर्थिक उपसमितिमा नन्दलाल वैश्य, प्रचारप्रसार उपसमितिमा ऋषिराज देवकोटा र स्वागत उपसमितिमा नितु चन्द संयोजक छन् । यस्तै, तारामान कुँवरको संयोजकत्वमा यातायात, बिन्दु चर्तिमगरको संयोजकत्वमा संघसंंस्था समन्वय, हुकुम केसीको संयोजकत्वमा स्वयम्सेवक र मंगल जीएमको संयोजकत्वमा सुरक्षा उपसमिति गठन गरिएको छ ।

यसैगरी पवित्रा सुब्बाको संयोजकत्वमा अनुगमन, रुद्र न्यौपानेको संयोजकत्वमा पार्टी परिचालन, मदनराज शर्माको संयोजकत्वमा धार्मिक समन्वय, गौरव चन्दको संयोजकत्वमा प्रचारप्रसार सामग्री व्यवस्थापन, इन्दिरा शाहीको संयोजकत्वमा स्वास्थ्य र सलाउद्दीन जसगढको संयोजकत्वमा मुस्लिम समुदाय समन्वय उपसमिति गठन गरिएको छ ।
पूर्वराजालाई वैशाख २० गते नेपालगन्जको रामलीला मैदानमा नागरिक अभिनन्दन गर्ने कार्यक्रम छ । पूर्वराजा परिवारसहित शुक्रबार नेपालगन्ज आउने कार्यक्रम छ । प्रचारप्रसार उपसमितिका संयोजक ऋषिराज देवकोटाका अनुसार शाह १७ गते जुम्ला भ्रमणमा जाने कार्यक्रम छ भने १८ गते नेपालगन्जको बागेश्वरी मन्दिरमा हुने महाआरतीमा सहभागी हुने कार्यक्रम रहेको छ ।

प्रकाशित मितिः शुक्रबार, बैशाख १५, २०८०     7:19:27 AM  |