3 February 2023  |   शुक्रबार, माघ २०, २०७९

राप्रपा अध्यक्ष लिङ्देनले कोहलपुर र नेपालगन्जका चुनावी सभालाई सम्बोधन गर्ने

मिसनटुडे संवाददाता
प्रकाशित मितिः शनिबार, बैशाख २४, २०७९  

बाँके ।

चुनावी सभालाई सम्बोधन गर्न राष्ट्रिय प्रजातन्त्र पार्टीका अध्यक्ष राजेन्द्र लिङ्देन आज बाँके आउने भएका छन् । नेपालगन्ज र कोहलपुरमा हुने चुनावी सभालाई सम्बोधन गर्न उनी बाँके आउन लागेका हुन् ।

साँझ नेपालगन्ज हुने चुनावी सभालाई सम्बोधनको लागि अध्यक्ष लिङ्देनसहितका नेता आउन लागेको राप्रपाबाट नेपालगन्जका मेयरका उम्मेदवार नन्दलाल वैश्यले जानकारी दिए ।

उनका अनुसार आज शनिबार साँझ नेपालगन्जको त्रिभुवन चोकमा चुनावी सभाको आयोजना हुँदैछ ।

कोहलपुरको न्यूरोडको खुला मैदानमा समेत साँझ ५ बजे चुनावी सभाको आयोजना गरिएको राप्रपाबाट मेयरका उम्मेदवार प्रदिपकुमार शाहले जानकारी दिए । दुवै स्थानमा हुने चुनावी सभाको तयारी तिव्र पारिएको छ ।

प्रकाशित मितिः शनिबार, बैशाख २४, २०७९     11:13:03 AM  |