मिसनटुडे संवाददाता
प्रकाशित मितिः बुधबार, असार २, २०७८
कोहलपुर ।
राप्ती नदीमा क्रमश बाढीको सतह घट्दै जान थालेको छ । बुधबार विहानैदेखि बढिरहेको बाढीको सतह बिहान १० बजेपछि भने घट्दै जान थालेको जल–मौसम कार्यालय कोहलपुरले जनाएको छ ।
विहान बाँकेको कुसुमस्थित जल मापन केन्द्रका अनुसार नदीमा पानीको सतहले सतर्कता तह पार गरेको थियो । अहिले त्यो क्रम भने घटिरहेको छ ।
नदीमा पानीको सतह घट्दै गएकाले तत्काललाई जोखिम भने कम भएको बताइएको छ । नदीमा बाढीको सतह बढ्दै गएपछि अगैयामा रहेको सिक्टा सिचाई आयोजनाका ब्यारेजका सबै ढोकाहरु खोलिएका थिए ।