नेपालगञ्ज ।
बाँकेको नेपालगञ्ज घर भएका बेलायती सेनाका नेपाली क्याप्टेन विवेकजंग शाह रानी एलिजावेथबाट पदकसहित सम्मानित भएका
छन् ।
वेलायती रक्षा मन्त्रालयले सार्वजनिक गरेको सुचीअनुसार साहलाई यसवर्ष ‘क्विन वर्थ डे अनर’बाट सम्मानित गरिएको हो ।
वर्षभरि बेलायतमा रहि विभिन्न क्षेत्रमा उत्कृष्ट कार्यक्षमता प्रदर्शन गरेका अधिकारीहरुलाई रानी एलिजावेथको जन्मदिनका दिन विभिन्न पदकबाट सम्मानित गर्ने गरिन्छ ।
उक्त पदक पाउनेमा अधिकांश विदेशी तथा वेलायती नागरिक रहेपनि नेपालगञ्ज घर भएका शाह एकमात्रै नेपाली नागरिक हुन् । सम्भवतः बेलायती महारानीबाट नेपाली सैनिकले पाउन लागेको यो पहिलो पदक पनि हो ।
क्विन्स गोर्खा लजिष्टिक रेजिमेन्टमा कार्यरत शाहलगायत सुचीमा रहेका सबैलाई बेलायती रक्षा सचिव बेन वालेन्सले बधाईं समेत दिएका छन् ।
सुरक्षा क्षेत्रमा काम गरेकाहरुको उत्कृष्टताका आधारमा उनीहरुले राज्यबाट सम्मान पाउन लागेको बेनले उल्लेख गरेका छन् ।