बर्दियाका विभिन्न स्थानबाट सशस्त्र प्रहरीले भन्सार छली गरेर ल्याउँदै गरेको अवस्थामा विभिन्न अवैध सामानहरु बरामद गरेको छ ।
भन्सार चोरी तस्करी गरि अवैध रुपमा नेपाल भित्र्याउँदै गरेको अवस्थामा ६१ हजार ५ सय २ रुपैयाँ बराबरको अवैध सामान नियन्त्रणमा लिइएको सशस्त्र प्रहरी बल नेपाल ३१ नम्बर गण बर्दियाले जनाएको छ ।
सीमा क्षेत्रमा खटिएका विभिन्न सशस्त्रका युनिटहरुले उक्त परिमाणमा अवैध सामानहरु बरामद गरेका हुन् । बरामद गरिएका अवैध सामानहरुमा किराना सामान, धानको बिउ¸ सुर्तिजन्य पदार्थ, बिषादी, फोटोकपि पेपर, भेली र मल रहेका छन् ।
ती सामानहरुलाई आवश्यक कारबाहीका लागि भन्सार कार्यालय गुलरिया बर्दियामा बुझाईएको सशस्त्र प्रहरी बल नेपाल ३१ नम्बर गण बर्दियाले जनाएको छ ।
प्रकाशित मिति : २०७८ जेठ २२ गते शनिबार










प्रतिक्रिया दिनुहोस्