बाँके
बाँके प्रहरीले दुई जनालाई कटुवा पेस्तोल सहित पक्राउ गरेको छ । जिल्लाको नेपालगन्ज उप–महानगरपालिका वडा नम्बर १ तेजनगरबाट प्रहरीले दुई जनालाई पेस्तोल सहित प्रक्राउ गरिएको हो । उक्त स्थानमा अवैध हतियारको कारोबार भईरहेको भन्ने सुचना प्राप्त भएपछि तत्काल जिल्ला प्रहरी कार्यालय बाँकेबाट खटिएको बिशेष प्रहरी टोली पुगेको थियो ।
उक्त स्थामा जाँदा तेजनगर सडक खण्डमा भ.।.१० प.१३१६ नम्बरको होण्डा साईन मोटरसाईकलमा शंकास्पद रुपमा सोधपुछ गरिएको प्रहरीले जनाएको छ ।
बाँके प्रहरीका अनुसार त्यहाँ जिल्ला बर्दिया राजापुर नगरपालिका वडा नम्बर १० बस्ने २४ वर्षीय कृष्ण चौधरी र सोही मोटरसाइकल नजिकै उभिएका जिल्ला बाँके नेपालगन्ज उपमहानगरपालिका वडा नम्बर १ बस्ने प्रेम कुमार बहेलियालाई तलासी गर्दा कृष्ण चौधरीले बाँया कम्मरमा बेल्डले च्यापी लुकाई राखेको कटुवा पेस्तोल थान १ फेला पारिएको जिल्ला प्रहरी बाँकेका प्रमुख ओमबहमदुर रानाले जानकारी दिए । उक्त पेस्तोल बरामद गर्नुका साथै दुवैजनालाई पक्राउ गरी आवश्यक कारबाही अघि बढाइएको उनले बताए ।