कोहलपुर ।
कोहलपुर नगरपालिका भित्रका संस्थागत विद्यालयका संगठनको १२ औं क्रिसा रनिङ्ग शिल्ड खेलकुद प्रतियोगिता आजबाट सुरु हुँदैछ । आइतबार पत्रकार सम्मेलन गर्दै १२ औं क्रिसा रनिङ्ग शिल्ड खेलकुद प्रतियोगिता आजबाट सुरु हुने आयोजकले जानकारी दिएको छ ।
पत्रकार सम्मेलनमा बोल्दै क्रिसा बाँकेका अध्यक्ष शिव प्रसाद डाँगीले रनिङ्ग शिल्ड खेलकुद प्रतियोगिताको कोहलपुर नगरपालिकाका प्रमुख लुट बहादुर रावतले प्रतियोगिताको उद्घाटन गर्ने जानकारी दिए ।
उनका अनुसार प्रतियोगितामा एथ्लेटिक्स र भलिबल प्रतियोगता हुनेछ । माध्यामिक विद्यालय कक्षा ७ देखि १२ कक्षासम्मका छात्रछात्राले एथ्लेटिक्सतर्फ १०० मिटर दौड, १५०० मिटर दौड, ४ गुणा १०० मिटर रिले दौड, लङ्जम्प÷सटपुट र भलिबल प्रतियोगिता हुने डाँगीले बताए ।
उनका अनुसार प्राथमिक विद्यालय कक्षा १ देखि ६ कक्षा सम्मका छात्रछात्राले एथ्लेटिक्सतर्फ १०० मिटर दौड, ४ गुणा १०० मिटर रिले दौड र फुटबल प्रतियोगिता हुने बताए ।
यस्तै कोहलपुर संस्थागत विद्यालयका माध्यमिक विद्यालय तहको भलिबल प्रतियोगितामा ३५ वटा टिम दर्ता गराएका छन् । जसमा १८ छात्रा र १७ वटा छात्राको टिम दर्ता भएका छन् ।
यस्तै प्राथमिक विद्यालय तहको तर्फबाट भलिबल प्रतियोगितामा ३९ वटा टिम दर्ता भएको आयोजकले जनाएको छ । जसमा २३ छात्र र १६ वटा छात्राका टिम दर्ता गराएका छन् । प्रतियोगिता आज बिहान १० बजेबाट सुरु हुनेछ ।