कोहलपुर/ विश्वव्यापी रुपमा फैलिएको कोरोना भाइरसको नियन्त्रणका लागि नागरिकको सुरक्षामा खटिरहेका प्रहरीलाई कोहलपुरका एक युवाले मास्क सहयोग गरेका छन् । कोहलपुर नगरपालिका वडा नं.११ का विशाल मल्ल ठकुरीले ईलाका प्रहरी कार्यालय कोहलपुरलाई मास्क सहयोग गरेका हुन् ।
मल्लले उक्त मास्क कोहलपुर ईलाका प्रहरी कार्यालय कोहलपुरका प्रमुख (डि़एसपी) कुलदिप चन्दलाई हस्तान्तरण गरेको हुन् । आफुनो ज्यानलाई समेत जोखिममा राखेर प्रहरी जनताको निरन्तर सुरक्षामा खटिने भएकाले उनीहरुको सहजताका लागि मास्क सहयोग गरेको मल्लले बताए ।
सामाजिक कार्यमा अग्रसर मल्लले आफ्नो निजि प्रयोजनका लागि ल्याएका भएपनि केरोनाको महामारी फैलिन सक्ने सम्भावनालाई मध्यनजर गर्दै निरन्तर सुरक्षामा खटिएका सुरक्षाकर्मीहरुलाई सय मास्क बढी सहयोग गरेको बताए । यसअघि केहि समय पहिले पनि उनले नेपालगञ्जकी एक क्यान्सर पीडितलाई सहयोग गरेका थिए ।
प्रकाशित मिति : २०७६ चैत १५ गते शनिबार
प्रतिक्रिया दिनुहोस्