कार्यालयबाट ट्राभल एजेन्सी तथा ट्रेकिंग एजेन्सी र ¥याफ्टिग एजेन्सीको इजाजत दिने तथा नविकरण गर्ने, पर्यटक यातायात सेवा व्यवसायको लागि इजाजत दिने नविकरण गर्ने, पर्यटक स्तरिय होटल तथा होमस्टेको इजाजत दिने तथा नविकरण गर्ने र टुर गाइड, ट्रेकिंग गाइड, ट्रेकिंग पोर्टर, रिभर गाइड लगायतको इजाजत र नविकरणको काम हुनेछ ।
कोहलपुर ।
बाँकेको कोहलपुरमा बन्द भएको आठ महिनापछि पर्यटन कार्यालय सञ्चालनमा आउने पक्का भएको छ । देश संघिय संरचनामा गएपछि कोहलपुरमा रहेको पर्यटन कार्यालय बन्द भएको थियो । कोहलपुरमा केही दिनमा नै औपचारीक रुपमा पर्यटन कार्यालयको सञ्चालन गर्ने तयारी प्रदेश ५ को उद्योग, पर्यटन, वन तथा वातावरण मन्त्रालयले गरेको हो । मन्त्रालयका सुचना अधिकारी शेषदत्त चौधरीले कोहलपुरमा पर्यटन कार्यालय स्थापना गरिसकिएको जानकारी दिए । ‘कोहलपुरमा पर्यटन कार्यालय स्थापना भइसकेको अवस्था हो’ उनले भने, ‘केही कर्मचारीहरु समेत केही दिन पहिला पठाइसकेको छ ।’ आवश्यकता अनुसार कर्मचारी नहुँदा दैनिक कामकाज भने शुरु हुन नसकेको प्रवक्ता चौधरीले बताए ।
‘पहिले कार्यालय भएको भवनमा नै हामीले पनि पर्यटन कार्यालय स्थापना गरेका छौं’ उनले भने, ‘कर्मचारीहरुको अभाव हुँदा अहिले त्यहाँको काम समेत रुपन्देहीमा रहेको कार्यालयले हेर्ने गरेको छ ।’ कोहलपुर नगरपालिका ११ मा रहेको नेपालगञ्ज मेडिकल कलेज शिक्षण अस्पताल नजिकै पर्यटन कार्यालय स्थापना गरिएको छ । केही दिनमा नै कार्यालय औपचारीक रुपमा शुरु हुने भएपछि अहिले पहिले पर्यटन कार्यालय रहेको भवनमा रंगरोगन गरिएको छ । केही दिनयता कर्मचारीहरु आउने र कार्यालयको सरसफाई देखि अन्य व्यवस्थापनका कामहरु गरिरहेको एक स्थानीयले जानकारी दिए । पहिले कार्यालयको उद्घाटन आज (सोमबार) गर्ने कार्यक्रम तय भएको थियो । तर विभिन्न कारणले केही दिन पर सकेको बताइएको छ । कोहलपुरमा यसअघि संघिय सरकार मातहतको पर्यटन कार्यालय थियो ।
उक्त कार्यालयको साविकको मध्य तथा सुदूरपश्चिमका जिल्लाहरु हेर्दै आएपनि प्रदेश र स्थानीय तहमा सरकारी कार्यालय स्थानान्तर गर्ने क्रममा केन्द्र मातहतको कार्यालय प्रदेशमा गाभिएको थियो । प्रदेश ५ सरकारले रुपन्देहीको सिद्धार्थनगर र बाँकेको कोहलपुरमा पर्यटन कार्यालय स्थापना गर्ने निर्णय गरेको थियो । रुपन्देहीको सिद्धार्थनगरमा तत्काल कार्यालय सञ्चालनमा आएपछि बाँकेको कोहलपुरमा भने कर्मचारीको अभाव देखाउँदै सञ्चालनमा आउन सकेको थिएन । प्रदेश मन्त्रीपरिषद्को निर्णय अनुसार एक जना उपसचिवको नेतृत्वमा हरेक पर्यटन कार्यालयमा सात जना कर्मचारी रहने छन् । बाँके, बर्दियाको पर्यटकीय विकासलाई प्राथमिकता दिदै प्रदेश सरकारले कोहलपुरमा केही दिनमा नै पर्यटन कार्यालय सञ्चालन ल्याउन लागेको उद्योग, पर्यटन, वन तथा वातावरण मन्त्री लिला गिरीले बताए । कोहलपुरमा पर्यटन कार्यालय सञ्चालनमा आउने खबरसँगै यहाँका पर्यटन व्यवसायीहरु उत्साहित भएका छन् ।
बाँकेका पर्यटन व्यवसायी कृष्ण चौधरीले कोहलपुरमा पर्यटन कार्यालय स्थापना हुनु खुसीको कुरा भएको बताए । ‘पर्यटन कार्यालय यहाँ आएसँगै सानातिना कामका लागि बाहिर जानुपर्ने झण्झट हुँदैन’ उनले भने, ‘यसले त्यतीमात्र होइन बाँके बर्दियाको पर्यापर्यटन क्षेत्रको विकास गर्न समेत ठूलो टेवा पु¥याउनेछ ।’ कार्यालय सञ्चालनमा आएपछि पर्यटकीय गतिविधि बढाउन र दर्ता, नविकरण जस्ता काममा सहजता हुने बाँके बर्दियाका पर्यटन व्यवसायीहरु बताउँछन् । कार्यालय सञ्चालनमा आएपछि ट्राभल एजेन्सी तथा ट्रेकिंग एजेन्सी र ¥याफ्टिग एजेन्सीको इजाजत दिने तथा नविकरण गर्ने, पर्यटक यातायात सेवा व्यवसायको लागि इजाजत दिने नविकरण गर्ने, पर्यटक स्तरिय होटल तथा होमस्टेको इजाजत दिने तथा नविकरण गर्ने र टुर गाइड, ट्रेकिंग गाइड, ट्रेकिंग पोर्टर, रिभर गाइड लगायतको इजाजत र नविकरणको काम हुनेछ ।