मिसनटुडे संवाददाता
प्रकाशित मितिः सोमवार, चैत्र १८, २०७५
कोहलपुर ।
इलाका प्रहरी कार्यालय कोहलपुरले लागुऔषध ब्राउनसुगरसहित एक जनालाई पक्राउ गरेको छ ।
नेपालगन्ज उप–महानगरपालिका २० राँझाबाट प्रहरीले १५ ग्राम ९६० मिलिग्राम ब्राउन सुगरसहित आइतबार एक युवकलाई पक्राउ गरेको हो । इलाका प्रहरी कार्यालय कोहलपुरका प्रमुख डिएसपी रमेश बहादुर सिंहका अनुसार पक्राउ पर्नेमा नेपालगन्ज १ का जविर राई रहेका छन् ।
‘बिशेष सूचनाको आधारमा खटिएको प्रहरी टोलीले उनको शरिर खानतलासी गर्दा ब्राउन सुगर फेला पारेको हो’ उनले भने,‘ राई ब्राउनसुगरका कारोबारी हुनसक्छन् ।’ ब्राउन सुगर सहित पक्राउ परेका राईमाथि आबश्यक अनुसन्धान भईरहेको कोहलपुर प्रहरीले जनाएको छ ।