कोहलपुर महोत्सव दुई दिन थप

कोहलपुर, बाँके २५, बाँकेको कोहलपुरमा जारी ‘पाँचौं कोहलपुर औद्योगिक, व्यापार, कृषि, फुडफेस्टीभल तथा पर्यटन महोत्सव २०७५’ महोत्सव दुई दिन थप गरिएको छ ।

माघ १४ गते देखि माघ २५ गते सम्म सञ्चालन हुने भनिएको महोत्सव दुई दिन थपिएको कोहलपुर उद्योग वाणिज्य संघका अध्यक्ष चक्र अधिकारीले जानकारी दिएका छन् ।

दर्शकहरुको माग अनुसार शनिबार बसेको महोत्सव मुल समितिको बैठकले दुई दिन थप्ने निर्णय गरेको उनले बताए ।

कोहलपुर शहर हाम्रो शान, व्यवसायिक प्रवद्र्वन हाम्रो पहिचान’ भन्ने मुल नाराका साथ सञ्चालन हुन लागेको महोत्सवमा फुडफेस्टीभल प्रमुख आकर्षणको केन्द्रविन्दु रहेको बताए । उनले भने कृषि वन तथा उद्योग र पर्यटनलाई प्रवद्र्वन गर्न स्थानीय तथा स्वदेशी उत्पादनलाई टेवा दिने लक्ष्यका साथ सम्बन्धित व्यवसायमा लागेका उद्योगि व्यापारीहरु र उपभोक्ताहरुलको पहुँचमा वृद्वि गराउने प्रमुख लक्ष्य रहेको होटल व्यवसाय संघका अध्यक्ष बलराम भट्टराईले जानकारी दिए ।

महोत्सवमा औद्योगिक उत्पादन तथा विविध वस्तु तथा सेवाहरुमा जम्मा २ सय ७५ स्टलहरु रहेको उनले बताए