20 April 2021  |   बुधबार, बैशाख ८, २०७८

राष्ट्रिय लोक तथा दोहोरी गीत प्रतिष्ठान नेपाल, कतार शाखाको पहिलो अधिवेशन मार्च १६ का लागि अन्तिम तयारिमा तदर्थ समिति ।

मिसनटुडे संवाददाता
प्रकाशित मितिः आइतवार, फाल्गुन १३, २०७४  

दोहा, कतार –

राष्ट्रिय लोक तथा दोहोरी गीत प्रतिष्ठान नेपाल, कतार शाखाको पहिलो अधिवेशन मार्च १६ मा हुने भएको छ । अधिवेशनमा वरिष्ठ उपाध्यक्ष तथा विदेश विभाग प्रमुख रमेश बिजी प्रमुख अतिथिका रुपमा मार्च १५ मा कतार आउने भएका छन् ।

प्रतिष्ठानको अधिवेशनको लागि वरिष्ठ उपाध्यक्ष बिजी को साथमा केन्द्रीय कोषाध्यक्ष दिपक खड्का समेत बिशेष अतिथिको रुपमा दोहा आउने कुरा तदर्थ समितिका संयोजक कृष्ण बरालले बताए ।

प्रतिष्ठानको विधानको पछिल्लो संसोधनले विदेशमा कार्यरत कलाकारहरु लार्इ लक्षित् गर्दै बैदेशिक शाखा खोल्न पाउने प्रावधान गरेको थियो ।

प्रारम्भिक कमिटीमा व्यापक छलफल गराई गत नोभेम्बर १० तारिकमा कतारको दोहा स्थित मुन्तजा पार्कमा भेला भएका कलाकार एबं कलाप्रेमी हरुको आपसी सहमतिमा प्रतिष्ठानको तदर्थ समिति गठन भएको थियो ।

शाखाको यही मार्च १६ शुक्रबार दोहामा अवस्थित सालिमार प्यालेसको सभाहलमा पहिलो अधिवेशन हुने तय भएको छ । त्यस्तै राष्ट्रिय लोक तथा दोहोरी गीत प्रतिष्ठान कतार शाखाले कतारमा रहेर लोक गीतसंगीतमा सकृय कलाकर्मी, संगीतप्रेमी हरुलाई संस्थाको सदस्यता लिन आव्हन गरेको छ ।

प्रतिष्ठानले मार्च १५ तारिख बिहिवार सम्म सदस्यता वितरण गर्ने जानकारि दिँदै अधिवेशन को तयारि अन्तिम चरणमा पुगेको संयोजक बरालले बताउनु भयो ।।

प्रकाशित मितिः आइतवार, फाल्गुन १३, २०७४     8:43:11 PM  |

Leave a Reply

Your email address will not be published. Required fields are marked *