18 July 2024  |   शुक्रबार, साउन ४, २०८१

खेल सप्ताहमा मण्डेला सदन प्रथम

मिसनटुडे संवाददाता
प्रकाशित मितिः शनिबार, कार्तिक २५, २०७४  

मिसन सामाचारदाता कोहलपुर, २५ कार्तिक, कोहलपुर नगरपालिका–२ स्थित जनज्योति पब्लिक हाई स्कुलमा बुधबारदेखि शुरु भएको खेल सप्ताह शुक्रबार सम्पन्न भएको छ । विद्यालयमा रहेका विभिन्न चार सदनमध्ये नेल्सन मण्डेला कल्ब ५ सय ३४ अङ्क ल्याई प्रथम भएको
छ । विलियम सेक्सपियर सदनले ३ सय ६८ अङ्क ल्याई द्वितीय भएको छ भने गौतम वुद्ध २ सय ५९ अङ्क ल्याई तृतीय र २ सय ४० अङ्क ल्याई अल्बर्ट आइन्सटाइन सदन चौथो भएको छ ।
विद्यालयमा सदनहरु विच प्रतिस्पर्धा गराइएका विभिन्न खेल विद्याहरुको जम्मा नतिजाबाट यस्तो परिणाम घोषणा गरिउको हो । शुक्रबार सम्पन्न फाईनल खेलमा कक्षा ८ देखि १० का विद्यार्थीहरुको छात्रा कबड्डीतर्फ विलियम सेक्सपियर सदन प्रथम, नेल्सन मन्डेला द्वितीय र गौतम वुद्ध सदन तृतीय भएका छन् । त्यस्तै छात्र तर्फ नेल्सन मन्डेला सदन प्रथम, अल्बर्ट आइन्सटाइन सदन द्वितीय, विलियम सेक्सपियर सदन तृतीय भएका थिए ।
खेल सप्ताहको समापन कार्यक्रममा विजेता छात्रछात्रा तथा लाई शिल्ड र प्रमाणपत्र वितरण गरिएको थियो ।
विद्यालयका प्रिन्सिपल वेग प्रसाद चन्दले खेल सप्ताहले विद्यार्थीहरुमा स्फुर्ति र उत्साह पैदा गरेको बताउदै यसले विद्यालयमा पढाइसँगसँगै अतिरिक्त क्रियाकलाप पनि विद्यार्थीको निम्ति आफ्नो क्षमता प्रदर्शन गर्ने अवसर भएको बताए ।
त्यस्तै खेल प्रशिक्षक लोेकेन्द्र बहादुर चन्दले विद्यार्थी भाइबहिनीहरुले विद्यालयमा हुने विभिन्न खेल प्रतियोगितामा सहभागी भएर आफ्नो प्रतिभा देखाउदै राष्टिूय स्तरको खेलाडीसम्म हुन सफल भएको बताए ।

प्रकाशित मितिः शनिबार, कार्तिक २५, २०७४     8:24:27 AM  |