26 September 2021  |   आइतवार, अशोज १०, २०७८

एमाले माओवादी एकताप्रति मोहन विक्रमको टिप्पणी–देशमा दुईवटा एमालेको जरुरत थिएन

मिसनटुडे संवाददाता
प्रकाशित मितिः मङ्लबार, अशोज १७, २०७४  

काठमाडौं १७ अजोस – नेकपा मशालका महामन्त्री मोहन विक्रम सिंहले नेकपा एमाले र माओवादी केन्द्रबीच पार्टी एकताका लागि भइरहेका प्रयास स्वभाविक भएको बताएका छन् । यद्यपि अहिलेकै अवस्थामा आफूहरु वामपन्थी गठबन्धनमा सहभागि नहुने उनले बताए ।

‘राजनीतिक सिद्धान्त र दर्शनमा भिन्नता नभएपछि वेग्लै पार्टी रहीरहनु आवस्यक थिएन । एमाले र माओवादीका खासै भिन्नता थिएन’ वरिष्ठ वामपन्थी नेता सिंहले लोकान्तरसंग भने, ‘सिद्धान्तमा फरक नभएपनि उनीहरु पहिलै मिलेको भए फरक पर्दैनथ्यो । दुइपार्टी मिल्ने कुरालाई हामीले खासै महत्व दिएका छैनौ ।’ सिद्धान्त मिल्ने दुइ कम्युनिष्ट पार्टी मिल्नुलाई अवसरवादी गठबन्धन भन्न नमिल्ने उनले बताए ।

आफूहरुपनि वामपन्थी एकताको पक्षमा रहेपनि एमालेसंग धेरै बिषयमा सैद्धान्तिक मतभेद रहेको उनले बताए । ‘राष्ट्रियताको बिषयमा एमालेले लिएको अडानको हामीले प्रसंशा गछौं, तर संघीयता लगतयत राजनीतिक बिषयमा फरक मत छन्’ महामन्त्री सिंहले भने, ‘मोहन बैद्यजीहरुसंग सहमति र सहकार्य हुनसक्छ, उहाँहरुसंगपनि जातीयता र संघीयताको बिषयमा हाम्रो फरक मत छ ।’ आशन्न प्रतिनिधि सभा र प्रदेश सभाको चुनावमा गणतन्त्र र धर्मनिरपेक्षताका पक्षधरहरुसंग चुनावी तालमेल गर्ने उनले बताए ।

प्रकाशित मितिः मङ्लबार, अशोज १७, २०७४     5:25:08 PM  |