4 March 2021  |   बिहिबार, फाल्गुन २०, २०७७

५ लाख घुससहित नेपालगन्जबाट मातपोतका २ कर्मचारी मध्यरातमा अख्तियारको फन्दामा

मिसनटुडे संवाददाता
प्रकाशित मितिः मङ्लबार, जेष्ठ २३, २०७४  

 नेपालगन्ज 

२०७४/२/२३ गतेजिल्ला मालपोत कार्यालय बाँकेमा कार्यरत दुई कर्मचारीलाई ४ लाख ९८ हजार घुसको रकम सहित अख्तियारको फन्दामा परेका छन् । अख्तियार दुरुपयोग अनुसन्धान आयोग क्षेत्रीय कार्यालय सुर्खेतको सम्पर्क कार्यालय कोहलपुरबाट खटिएको टोलिले सोमबार राती साढे ९ बजे नेपालगन्जको एक रेष्टुरेन्टमा सेवाग्राहीसँग ४ लाख ९८ हजार घुस लिंदै गरेको अवस्थामा पक्राउ गरेको हो ।

अख्तियार सम्पर्क कार्यालय कोहलपुरका सुचना अधिकारी निराजन शर्माका अनुसार घुस लिदालिदै पक्राउ पर्नेमा मालपोत कार्यालयका खरिदार नर बहादुर सारुमगर र लेखापढी व्यवसायी सर्जु थापा रहेका छन् ।

काँरकाँदो स्थित जग्गा बिक्री प्रयोजनका लागि निर्णय प्रमाणित माग गरेका सेवाग्राहीलाई लामो समयदेखि काम रोकेर मागेको घुसको रकम बुझ्दै गर्दा उनीहरुलाई पक्राउ गरिएको उहाँले जानकारी दिनुभयो । दुवै जनालाई हिरासतमा लिएर थप अनुसन्धान भइरहेको अख्तियारले जनाएको छ ।

प्रकाशित मितिः मङ्लबार, जेष्ठ २३, २०७४     12:07:36 PM  |

Leave a Reply

Your email address will not be published. Required fields are marked *