ग्यास ‘लिक’ हुँदा आगलागी

कोहलपुर, आसर २८
गनापुर २ भाटनपुरस्थित एक घरमा ग्यास ‘लिक’ हुँदा आगलागी भएको छ । सोमबार अपरान्ह ४ बजे भाटनपुरस्थित सुरेश यादवको घरमा ग्यास लिक भएर आगलागी भएको हो । स्थानीय र प्रहरी मिलेर ४ घण्टापछि साँझ करिब ८ बजे आगो नियन्त्रणमा लिएका थिए । आगलागी हुँदा २ लाख ३ हजार बराबरको क्षति भएको गनापुर प्रहरी चौकीका असई मोहन खत्रीले जानकारी दिए । आगलागीबाट मानवीय तथा पशु चौपायाको क्षति भने नभएको उनको भनाई छ । ‘आगलागी हुने वित्तिकै स्थानीय र प्रहरी मिलेर आगो निभाउन थाल्यौं’ उनले भने ‘धन्न ग्यास भने पड्कन पाएन ।’