20 April 2021  |   मङ्लबार, बैशाख ७, २०७८

चपरा चोरी  गर्ने गिरोह पक्राउ

मिसनटुडे संवाददाता
प्रकाशित मितिः शनिबार, असार २५, २०७३  

कोहलपुर, असार २५
कोहलपुर नगर विकास समितिको जग्गाबाट माटोको चपरा चोरी गर्ने गिरोह पक्राउ परेको छ । कोहलपुर नगर विकास समितिको अनुगमन टोलीले गिरोहका नाइके बर्दिया घर भई कोहलपुर बस्दै आएका माधवप्रसाद न्यौपानेलाई पक्राउ गरेको हो । अनुगमनका क्रममा शुक्रबार माटोको चपरा चोरी गर्दै गरेको अवस्थामा रंगेहात पक्राउ गरिएको नगर विकास समिति अध्यक्ष लक्ष्मणराज पौडेलले जानकारी दिए । उनका अनुसार लामो समयदेखि नगर विकासको विभिन्न क्षेत्रबाट माटोको दुबो र घाँस सहितको चपरा चोरी गर्ने न्यौपाने नेतृत्वको गिरोह सक्रिय थियो ।
न्यौपानेले नगर विकास समितिको अनुमति विना ३ सय ट्राली माटोको चपरा चोरी गरेको उनले बताए । रंगेहात माटोको चपरा उठाइरहेको अवस्थामा फेला पारेपछि न्यौपानेले १ सय ५० ट्रिप माटोको चपरा उठाएको स्विकारेको अध्यक्ष पौडेलले बताए । न्यौपानेलाई कारवाही स्वरुव १ सय ५० ट्रिप माटोको मूल्य १ लाख ९५ हजार र चोरी गरेवापत विगो मूल्यको आधारमा जरिवाना स्वरुप ९७ हजार ५ सय गरि जम्मा २ लाख ९२ हजार ५ सय रुपैयाँ समेत न्यौपानेबाट असुल उपर गरेको नगरविकासले जनाएको छ ।

प्रकाशित मितिः शनिबार, असार २५, २०७३     12:18:58 PM  |

Leave a Reply

Your email address will not be published. Required fields are marked *