मिसनटुडे संवाददाता
प्रकाशित मितिः बिहिबार, जेष्ठ ६, २०७३
पेरिस, जेठ ६ । इजिप्टको एक विमान सम्पर्कविहीन भएको छ । फ्रान्सको राजधानी पेरिसबाट इजिप्टको कायरोका लागि उडान भरेको एयरबस ए–३२० विमान सम्पर्कविहीन भएको हो ।
एमएस ८०४ कलसाइन भएको विमान विमानमा ५९ जना यात्रु र चालक दलका १० सदस्य रहेको बताइएको छ ।
भूमध्यसागरको पूर्वी भागमाथि ३७ हजार फिटको उचाईमा उडिरहेको समयमा विमान राडारसँग सम्पर्कविहीन भएको ईजिप्ट एयरले बताएको छ । ईजिप्टको हवाई क्षेत्रको १० माईलभित्र प्रवेश गरेपछि राडरसँग विमानको सम्पर्क टुटेको हो ।
विमानको खोजी भइरहेको अधिकारीहरुले जनाएका छन् । (एजेन्सी)